ഒഴുക്കില്‍പ്പെട്ട വയോധികയെ രക്ഷപെടുത്തി
Editor CoverStory
Aug 2, 2022
231
0
അത്താണി : കേരള ആയുര്‍വേദ ഫാര്‍മസിക്ക് സമീപം നാഷണല്‍ ഹൈവേക്കരികിലുള്ള കുറുന്തലക്കോട്ട് ചിറയില്‍ കുളിക്കാന്‍ ഇറങ്ങവേ വൃദ്ധ ഒഴുക്കില്‍പെട്ടു.പെരുമ്പാവൂര്‍ ബോയ്‌സ് ഹൈസ്‌ക്കൂളിനടുത്ത് താമസിക്കുന്ന മാര്‍ത്ത (75) ആണ് ഒഴുക്കില്‍പ്പെട്ട് പാലത്തിനടിയിലൂടെ ഏകദേശം 50 മീറ്റര്‍ ദൂരത്തേക്ക് ഒഴുകിപ്പോയത്. റോഡില്‍ നിന്നും ചിറയിലേക്ക് വീണ് കിടന്ന കേബിളില്‍ പിടിച്ച് അവശയായി കിടക്കുന്നത് കണ്ട സമീപവാസികള്‍ അറിയിച്ചതനുസരിച്ച് വാര്‍ഡ് മെമ്പര്‍ ജോബി നിലക്കര അങ്കമാലി അഗ്‌നിരക്ഷാ സേനയുടെ സഹായം തേടി. അങ്കമാലി അഗ്‌നിരക്ഷാ നിലയത്തില്‍ നിന്നും സേനാംഗങ്ങള്‍ എത്തി മാര്‍ത്തയെ രക്ഷപ്പെടുത്തി. സേനാംഗങ്ങള്‍ റോപ്പില്‍ ഇറങ്ങി റെസ്‌ക്യൂ നെറ്റില്‍ കയറ്റി കരക്കെത്തിച്ച്, ആംബുലന്‍സില്‍ അങ്കമാലി താലൂക്ക് ആശുപത്രിയിലെത്തിച്ചു.ശക്തമായ ഒഴുക്കുള്ള ചിറയിലാണ് അപകടമുണ്ടായത്. അങ്കമാലി അഗ്‌നി രക്ഷാ നിലയത്തില്‍ നിന്നും അസി: സ്റ്റേഷന്‍ ഓഫീസര്‍ എന്‍.ജിജിയുടെ നേതൃത്വത്തില്‍ കെ.എം. അബ്ദുല്‍ നസീര്‍, ബെന്നി അഗസ്റ്റിന്‍, റ്റി.ഡി. ദീപു, പി.ആര്‍ സജേഷ്, എം.രാമചന്ദ്രന്‍, ജോസ് മോന്‍, അഖില്‍ ദാസ്, കെ.എല്‍ റൈസണ്‍, പി.ജെ. സിനി, വിന്‍സി ഡേവിസ്, സുനില്‍ കുമാര്‍ എന്നിവരാണ് രക്ഷാപ്രവര്‍ത്തനത്തിനുണ്ടായിരുന്നത്.
Comments (0)