തെന്നനല്ലൂര്‍ മാരിയമ്മന്‍ കോവിലിന് സമീപം നിയന്ത്രണംവിട്ട കാര്‍ കിണറ്റിലേയ്ക്ക് മറിഞ്ഞു; മൂന്ന് കോളേജ് വിദ്യാര്‍ത്ഥികള്‍ മരിച്ചു
Editor CoverStory
Sep 9, 2022
277
0
കോയമ്പത്തൂര്‍: കിണറ്റിലേയ്ക്ക് കാര്‍ മറിഞ്ഞ് മൂന്ന് കോളേജ് വിദ്യാര്‍ത്ഥികള്‍ മരിച്ചു. കോയമ്പത്തൂര്‍ വടവള്ളി സ്വദേശികളായ ആദേഷ്, രവികൃഷ്ണന്‍, നന്ദന്‍ എന്നിവരാണ് മരിച്ചത്. കാറിലുണ്ടായിരുന്ന മറ്റൊരു വിദ്യാര്‍ത്ഥി രക്ഷപ്പെട്ടു. ഇന്ന് പുലര്‍ച്ചെ ശിരുവാണി റോഡില്‍ തൊണ്ടാമുത്തൂര്‍ തെന്നനല്ലൂര്‍ മാരിയമ്മന്‍ കോവിലിന് സമീപമായിരുന്നു അപകടം. നിയന്ത്രണം തെറ്റിയ കാര്‍ 150 അടി താഴ്ചയുള്ള കിണറ്റിലേയ്ക്ക് മറിയുകയായിരുന്നു. കാറിലുണ്ടായിരുന്ന നാലുപേരും കോയമ്പത്തൂരിലെ സ്വകാര്യ കോളേജിലെ ബിഎസ്സി വിദ്യാര്‍ത്ഥികളാണ്. ഇവര്‍ക്കൊപ്പമുണ്ടായിരുന്ന റോഷന്‍ എന്നയാള്‍ രക്ഷപ്പെട്ടു. ബാക്കി മൂന്നുപേരും കാറിനുള്ളില്‍ കുടുങ്ങി കിടക്കുകയായിരുന്നു. ഓണാഘോഷത്തിന് ശേഷം വീട്ടിലേയ്ക്ക് മടങ്ങുന്നതിനിടെയാണ് വിദ്യാര്‍ത്ഥികള്‍ അപകടത്തില്‍പ്പെട്ടതെന്നാണ് വിവരം.
Comments (0)