ലുലുമാളിൽ നടിയെ അപമാനിച്ച സംഭവം: പ്രതികളെ റിമാന്‍ഡ് ചെയ്തു
Author Coverstory
Dec 22, 2020
357
0
കൊച്ചി: കൊച്ചിയിലെ മാളില്‍ വച്ച്‌ യുവനടിയെ ഉപദ്രവിച്ച സംഭവത്തില്‍ അറസ്റ് ചെയ്ത യുവാക്കളെ റിമാന്‍ഡ് ചെയ്തു. ഇവരെ 14 ദിവസത്തേക്കാണ് റിമാന്‍ഡ് ചെയ്തത്. പെരിന്തല്‍മണ്ണ സ്വദേശികളായ റംഷാദ്, ആദില്‍ എന്നിവരെ കളമശേരി ജുഡീഷല്‍ ഫസ്റ്റ് ക്ലാസ് മജിസ്ട്രേറ്റ് കോടതിയാണ് റിമാന്‍ഡ് ചെയ്തത്.
മണിക്കൂറുകള്‍ ദൈര്‍ഘ്യമുള്ള സിസിടിവി ദൃശ്യങ്ങള്‍ പരിശോധിച്ച പൊലീസ് നാടകീയ നീക്കങ്ങള്‍ക്കൊടുവിലാണ് പ്രതികളെ ഇന്നലെ കസ്റ്റഡിയില്‍ എടുത്തത്. അഭിഭാഷകനോടൊപ്പം കീഴടങ്ങാന്‍ ശ്രമിക്കവെ കളമശ്ശേരി കുസാറ്റിനടുത്ത് വച്ച്‌ പ്രതികളെ പൊലീസ് കസ്റ്റഡിയില്‍ എടുക്കുകയായിരുന്നു.
ദുരുദ്ദേശത്തോടെയല്ല നടിയെ സമീപിച്ചതെന്നായിരുന്നു പ്രതികളുടെ വിശദീകരണം. ഇതിനു പിന്നാലെയാണ് പോലീസ് ഇരുവരുടെയും അറസ്റ്റ് രേഖപ്പെടുത്തിയത്. പ്രതികള്‍ കസ്റ്റഡിയിലായതിന് പിന്നാലെ നടിയുടെ മൊഴിയും പൊലീസ് രേഖപ്പെടുത്തിയിരുന്നു. ഞായറാഴ്ച രാത്രി ഓണ്‍ലൈന്‍ ആയാണ് നടിയുടെ മൊഴി രേഖപ്പെടുത്തിയത്. സംഭവത്തില്‍ നടിയും കുടുംബവും പ്രതികള്‍ക്ക് മാപ്പ് നല്‍കിയെങ്കിലും പോലീസ് കേസ് അവസാനിപ്പിക്കാനില്ലെന്ന് നേരത്തെ അറിയിച്ചിരുന്നു
Comments (0)