ആപ്പിളിന്റെ കാറുകള്‍ വരുന്നു; വാഹനലോകത്തേക്കുള്ള ആപ്പിളിന്റെ ചുവടുവയ്പ്പ് ഇങ്ങനെ
Author Coverstory
Dec 23, 2020
404
0
സന്‍ഫ്രാന്‍സിസ്കോ: ടെക് ലോകത്തെ ഭീമന്മാരായ ആപ്പിള്‍ കാര്‍ നിര്‍മ്മാണ രംഗത്തേക്ക്. ആപ്പിളിന്റെ കാറുകള്‍ വൈകാതെ തന്നെ റോഡില്‍ ഇറങ്ങിയേക്കും. 2024-ഓടെ ആപ്പിള്‍ തങ്ങളുടെ ആദ്യ കാര്‍ നിര്‍മിക്കുമെന്ന് റോയിട്ടേഴ്‌സാണ് റിപ്പോര്‍ട്ട് ചെയ്തത്. എന്നാല്‍ ഇക്കാര്യത്തില്‍ ആപ്പിള്‍ ഔദ്യോഗികമായി സ്ഥിരീകരണം നല്‍കിയിട്ടില്ല.
സെല്‍ഫ് ഡ്രൈവിംഗ് സംവിധാനങ്ങള്‍ വികസിപ്പിക്കുക, അത്യാധുനിക ബാറ്ററി സാങ്കേതികവിദ്യ തുടങ്ങിയവയാണ് കമ്ബനി ലക്ഷ്യം വയ്ക്കുന്നത്. 2014ല്‍ തന്നെ ആപ്പിള്‍ ഈ രംഗത്ത് ഇറങ്ങാന്‍ പദ്ധതി ആരംഭിച്ചിരുന്നു.
എന്നാല്‍ 2019 തുടക്കത്തില്‍ ഈ പ്രോജക്‌ട് ഉപേക്ഷിച്ചു. പക്ഷെ ഇത് വീണ്ടും ആരംഭിക്കാനാണ് ഇപ്പോള്‍ ആപ്പിള്‍ തീരുമാനം. ആപ്പിളിന്റെ ഭാവിയിലെ ഏറ്റവും ശ്രദ്ധ നല്‍കേണ്ട പ്രോജക്‌ട് പ്രോജക്‌ട് ടൈറ്റന്‍ എന്നറിയപ്പെടുന്ന ഈ കാര്‍ പ്രോജക്‌ട് ആണത്രെ.
അതേ സമയം കുറഞ്ഞ ചിലവില്‍ ആധുനിക രീതിയിലുള്ള ഇലക്‌ട്രിക്ക് കാറുകള്‍ ആണ് ആപ്പിള്‍ നിര്‍മ്മിക്കാന്‍ ഉദ്ദേശിക്കുന്നത്. 2025 ഓടെ വ്യാവസായികമായി കാറുകള്‍ വിപണിയില്‍ ഇറക്കാം എന്നതാണ് ആപ്പിളിന്റെ പ്രതീക്ഷയെന്ന് റിപ്പോര്‍ട്ട് പറയുന്നു. 2014ല്‍ തുടങ്ങിയ പ്രോജക്ടിന്റെ ഭാഗമായുള്ള ഡിസൈന്‍ ജോലികള്‍ ആപ്പിള്‍ പൂര്‍ത്തിയാക്കിയിട്ടുണ്ട് എന്നാണ് സൂചന. ഇനിയിപ്പോള്‍ ഇതിന്റെ വ്യാവസായി ഉത്പാദനത്തിലേക്കാണ് കമ്ബനി കടക്കുക.
ആപ്പിള്‍ ഉടന്‍ തന്നെ ഈ പദ്ധതിക്ക് വേണ്ടിയുള്ള തങ്ങളുടെ പങ്കാളിയെ പ്രഖ്യാപിക്കും എന്നാണ് സൂചന. പ്രമുഖരായ വാഹന നിര്‍മ്മാതാക്കളുമായി ചേര്‍ന്നായിരിക്കും ആപ്പിളിന്റെ ഈ സംരംഭം എന്നാണ് സൂചന.
Comments (0)