ട്രാഫിക് നിയമലംഘനങ്ങൾ നടത്തുന്നവരെ’ക്ഷ’ വരപ്പിക്കാൻ പോലീസ്…

കോ​ട്ട​യം: ന​ഗ​ര​ത്തി​ലെ റോഡുവക്കിൽ അ​ല​ക്ഷ്യ​മാ​യി വാ​ഹ​നം പാ​ർ​ക്ക് ചെ​യ്താ​ൽ ഇ​ന്നു മു​ത​ൽ കോ​ള​റി​ൽ പി​ടി​വീ​ഴും. അ​ന​ധി​കൃ​ത പാ​ർ​ക്കിം​ഗും ട്രാ​ഫി​ക് നി​യ​മ​ലം​ഘ​ന​ങ്ങ​ളും ന​ഗ​ര​ത്തി​ൽ ക​ർ​ശ​ന​മാ​യി ത​ട​യാ​നാ​യി ട്രാ​ഫി​ക് പോ​ലീ​സ് രം​ഗ​ത്ത്.

വാ​ഹ​ന അ​പ​ക​ട​ങ്ങ​ൾ കൂ​ടി​വ​രു​ന്ന സാ​ഹ​ച​ര്യ​ത്തി​ൽ ക​ർ​ശ​ന​മാ​യ ട്രാ​ഫി​ക് സം​വി​ധാ​ന​ങ്ങ​ളാ​ണ് പോ​ലീ​സ് ഒ​രു​ക്കു​ന്ന​ത്. ഇ​ട​തു​വ​ശം ചേ​ർ​ന്നു​ള്ള ഓ​വ​ർ​ടേ​ക്കും ന​ഗ​ര​മ​ധ്യ​ത്തി​ൽ ഉ​ൾ​പ്പെ​ടെ യു ​ടേ​ണ്‍ എ​ടു​ക്ക​ലും ഉ​ൾ​പ്പെ​ടെ​യു​ള്ള ട്രാ​ഫി​ക് നി​യ​മ​ലം​ഘ​ന​ങ്ങ​ൾ ത​ട​യു​ക​യാ​ണ് ല​ക്ഷ്യം.

ഇ​തി​ന്‍റെ ഭാ​ഗ​മാ​യി ക​ഴി​ഞ്ഞ ദി​വ​സ​ങ്ങ​ളി​ലാ​യി ന​ഗ​ര​പ്ര​ദേ​ശ​ത്ത് 35 ഇ​ട​ങ്ങ​ളി​ൽ പാ​ർ​ക്കിം​ഗ് ക​ർ​ശ​ന​മാ​യി നി​രോ​ധി​ച്ച് ട്രാ​ഫി​ക് പോ​ലീ​സ് ബോ​ർ​ഡു​ക​ൾ സ്ഥാ​പി​ച്ചു.

ബേ​ക്ക​ർ ജം​ഗ്ഷ​നി​ൽനി​ന്നും കു​മ​ര​കം റോ​ഡി​ൽ ഒ​രു​വ​ശ​ത്തു മാ ​ത്രം പാ​ർ​ക്കിം​ഗ് അ​നു​വ​ദി​ച്ചു​കൊ​ണ്ട് മ​റു​വ​ശ​ത്ത് നോ ​പാ​ർ​ക്കിം​ഗ് ബോ​ർ​ഡു​ക​ൾ ഇ​ന്ന​ലെ സ്ഥാ​പി​ച്ചു.

കെ​കെ റോ​ഡി​ലും എം​സി റോ​ഡി​ലും നി​ര​വ​ധി സ്ഥ​ല​ങ്ങ​ളി​ലാ​യും തി​രു​ന​ക്ക​ര അ​ന്പ​ല​ത്തി​നു സ​മീ​പം, ജ​ന​റ​ൽ ആ​ശു​പ​ത്രി​ക്കു സ​മീ​പം, ക​ഞ്ഞി​ക്കു​ഴി​യി​ൽ പു​തു​പ്പ​ള്ളി റോ​ഡ്, ക​ള​ക്‌ട​റേ​റ്റി​നു എ​തി​ർ​വ​ശം, പി​ജെ ടിം​ബേ​ഴ്സി​നു സ​മീ​പം, മാ​മ്മ​ൻ​മാ​പ്പി​ള ഹാ​ൾ, എം​ഡി സ്്കൂ​ൾ, ക​ഞ്ഞി​ക്കു​ഴി​യി​ൽ പ്ലാ​ന്‍റേഷ​ൻ ഭാ​ഗം എ​ന്നി​വി​ട​ങ്ങ​ളി​ലും നോ ​പാ​ർ​ക്കിം​ഗ് ബോ​ർ​ഡു​ക​ൾ സ്ഥാ​പി​ച്ചു.

ട്രാ​ഫി​ക് നി​യ​മ​ങ്ങ​ൾ ലം​ഘി​ച്ച് വാ​ഹ​ന​ങ്ങ​ൾ ക​യ​റി​വ​രു​ന്ന​ത് ഒ​ഴി​വാ​ക്കാ​ൻ നോ ​എ​ൻ​ട്രി ബോ​ർ​ഡു​ക​ളും സ്ഥാ​പി​ച്ചി​ട്ടു​ണ്ട്.
ന​ഗ​ര​ത്തി​ൽ പു​ളി​മൂട് ജം​ഗ്ഷ​നി​ൽ നി​ന്നും ഭീ​മ ജ്വ​ല്ല​റി​യു​ടെ സ​മീ​പ​ത്തു കൂ​ടി വ​രു​ന്ന വാ​ഹ​ന​ങ്ങ​ൾ തി​രു​ന​ക്ക​ര ഭാ​ഗ​ത്തേ​ക്ക് വ​രു​ന്ന​തു ത​ട​ഞ്ഞ് നോ ​എ​ൻ​ട്രി​ ബോ​ർ​ഡ് സ്ഥാ​പി​ച്ചു.

ബേ​ക്ക​ർ ജം​ഗ്ഷ​നി​ൽ ശ​ക്തി ഹോ​ട്ട​ൽ മു​ത​ൽ സീ​സ​ർ​പാ​ല​സ് വ​രെ യു​ടേ​ണും നി​രോ​ധി​ച്ചു ബോ​ർ​ഡ് സ്ഥാ​പി​ച്ചു. ഇ​തോടെ കൂ​ടി​വ​രു​ന്ന ഗ​താ​ഗ​ത​ക്കു​രു​ക്കി​നു പ​രി​ഹാ​ര​മാ​കു​മെ​ന്നു പ്ര​തീ​ക്ഷി​ക്കു​ന്നു.