'രാജ്യത്തിനായി എന്തു ചെയ്യണമെന്നു ചിന്തിച്ചപ്പോള്‍ ഞാന്‍ ബി.ജെ.പിയായി' -വിശദീകരണവുമായി ജേക്കബ് തോമസ്
Author Coverstory
Feb 9, 2021
370
0
കോഴിക്കോട്: താന്‍ എങ്ങിനെ ബി.ജെ.പിയിലേക്കെത്തിയെന്ന് വിശദീകരിച്ച്‌ മുന്‍ ഡി.ജി.പി ജേക്കബ് തോമസ്. രാജ്യത്തിനായി എന്തു ചെയ്യണമെന്ന് ചിന്തിച്ചപ്പോളാണ് താന്‍ ബി.ജെ.പിയായത്. തന്‍റെ കടമ ചെയ്യാനാവാതെ വേദനിച്ചപ്പോള്‍, വിദ്യാഭ്യാസം ആര്‍ക്കും ഉപകാരമില്ലാതെ പാഴാകരുതെന്ന് തിരിച്ചറിഞ്ഞപ്പോള്‍ താന്‍ ബി.ജെ.പിയായെന്ന് ജേക്കബ് തോമസ് ഫേസ്ബുക് കുറിപ്പില്‍ പറഞ്ഞു.
സിവില്‍ സര്‍വിസിന് പോകുമ്ബോള്‍ രാജ്യത്തെയും ജനങ്ങളേയും സേവിക്കാമെന്ന് ആഗ്രഹിച്ചു. എന്‍റെ നാട്ടില്‍ എന്‍റെ നേതാക്കളുടെ കൂടെ ജനങ്ങളെ നീതിപൂര്‍വ്വകമായി സേവിക്കാനും സത്യസന്ധമായി ഭരണഘടന അനുശാസിക്കുന്ന രീതിയില്‍ ജോലി ചെയ്യാനും ആഗ്രഹിച്ചു. എന്നാല്‍ സ്വാര്‍ത്ഥരായ, രാഷ്ട്രബോധമില്ലാത്ത - ചിലരുടെ താല്‍പര്യത്തിന്/ ഇഷ്ടത്തിന് ഞാന്‍ എതിരുനിന്നപ്പോള്‍ എന്നെ ദ്രോഹിച്ചു.
മാനസികമായി പീഡിപ്പിച്ചു - അപമാനിച്ചു.
ചില കള്ള രാഷ്ട്രീയക്കാരുടെ അഴിമതിക്ക് കുട്ടുനില്‍ക്കാനാവാതെ ഞാന്‍ ഒറ്റപ്പെട്ടു. വേദനിച്ചു - എന്‍റെ ജനങ്ങള്‍ക്കായി എന്‍റെ രാജ്യത്തിനായി എന്തു ചെയ്യണമെന്നു ചിന്തിച്ചപ്പോള്‍ ജന്മനാടിന്‍റെ ആത്മാവ് കണ്ടെത്തിയ സ്വാമി വിവേകാനന്ദനും, ശ്രീനാരായണ ഗുരുവുമൊക്കെയാണ് ശരിയെന്നു ബോധ്യമായപ്പോള്‍, എന്‍റെ കടമ ചെയ്യാനാവാതെ ഞാന്‍ വേദനിച്ചപ്പോള്‍, എന്‍റെ വിദ്യാഭ്യാസം ആര്‍ക്കും ഉപകാരമില്ലാതെ പാഴാകരുതെന്ന് തിരിച്ചറിഞ്ഞപ്പോള്‍, അപ്പോള്‍ മാത്രമാണ്, പ്രവര്‍ത്തിക്കാനുള്ള പ്ലാറ്റ് ഫോം ആയി ബി.ജെ.പി ആയത് -ജേക്കബ് തോമസ് പറഞ്ഞു.
Comments (0)