വിജയയാത്രയുടെ മുന്നോടിയായി പറവൂരിൽ ബിജെപി വിളംബരയാത്ര നടത്തി

പറവൂർ: ബിജെപി സംസ്ഥാന അദ്ധ്യക്ഷൻ കെ.സുരേന്ദ്രൻ നയിക്കുന്ന വിജയയാത്രക്ക് 28ന് പറവൂരിൽ സ്വീകരണം നൽകുന്നതിൻ്റെ  പ്രചരണാർത്ഥം ബിജെപി പറവൂർ നിയോജക മണ്ഡലം പ്രസിഡൻ്റ് രഞ്ജിത്ത് എസ് ഭദ്രന്റെ നേതൃത്വത്തിൽ വിളംബരയാത്രയും റോഡ് ഷോയും നടത്തി.
മൂത്തകുന്നത്ത് നിന്നാരംഭിച്ച യാത്ര ബിജെപി ജില്ലാ ജനറൽ സെക്രട്ടറി അഡ്വ.കെ.എസ്.ഷൈജു ഫ്ലാഗ് ഓഫ് ചെയ്തു. ജില്ലാ വൈസ് പ്രസിഡൻ്റ് എസ്.സജി, മഹിളാമോർച്ച ജില്ലാ പ്രസിഡൻ്റ് അഡ്വ.രമാദേവി തോട്ടുങ്കൽ, സോമൻ ആലപ്പാട്ട് എന്നിവർ പ്രസംഗിച്ചു. വടക്കേക്കര, ചിറ്റാറ്റുകര, ചേന്ദമംഗലം, പറവൂർ മുനിസിപ്പാലിറ്റി, ഏഴിക്കര, കോട്ടുവള്ളി എന്നീ പഞ്ചായത്തുകളിൽ പര്യടനം നടത്തി വരാപ്പുഴയിൽ സമാപിച്ചു. സമാപന സമ്മേളനം ബിജെപി ജില്ലാ പ്രസിഡൻ്റ് എസ്.ജയകൃഷ്ണൻ ഉദ്ഘാടനം നിർവ്വഹിച്ചു. നിയോജക മണ്ഡലം ജനറൽ സെക്രട്ടറിമാരായ രഞ്ജിത്ത് മോഹൻ, ഹരേഷ് വെണ്മനശ്ശേരി, മഹിളാമോർച്ച ജില്ലാ ജനറൽ സെക്രട്ടറി സിന്ധു നാരായണൻകുട്ടി, മണ്ഡലം വൈസ് പ്രസിഡൻ്റുമാരായ കെ.എ.സന്തോഷ്കുമാർ, ടി.എ.ദിലീപ്, സാജിത അഷറഫ്, സുധാചന്ദ്, വരാപ്പുഴ ഗ്രാമപഞ്ചായത്ത് അംഗങ്ങളായ എം.എം.അനിൽകുമാർ, ഷീല അശോകൻ എന്നിവർ പ്രസംഗിച്ചു. മഹിളാമോർച്ച മണ്ഡലം പ്രസിഡൻ്റ് മിനി മോഹൻ, മണ്ഡലം സെക്രട്ടറിമാരായ അരുൺ ശേഖർ, പി.ആർ.രമേഷ്, വേണുഗോപാൽ കടവത്ത്, പി.സി.അശോകൻ, ജയമോഹൻ, സി.എൻ.രവീന്ദ്രൻ, എ.എം.രമേഷ്, സി.എം.ലിഘോഷ്, അനിൽകുമാർ എന്നിവർ നേതൃത്വം നൽകി.