കാറിൽ കഞ്ചാവ് കടത്തിയ മൂന്ന് പേർ പിടിയിൽ

അങ്കമാലി: അങ്കമാലിയിൽ നിന്നും കാറിൽ കഞ്ചാവ് കടത്തിയ മൂന്ന് പേരെ അങ്കമാലി എക്സൈസ് പാർട്ടി പിടികൂടി. അങ്കമാലി കിടങ്ങൂരിൽ താമസിക്കുന്ന അഭിഷേക്, മറ്റൂർ കുറ്റിലപ്പടിയിൽ താമസിക്കുന്ന ഗോകുൽ, മറ്റുർ പൊതിയക്കരയിൽ താമസിക്കുന്ന ക്രിസ്മിൻ എന്നിവരാണ് അങ്കമാലി എക്സൈസ് സംഘത്തിന്റെ പിടിയിലായത്. അങ്കമാലി എക്സൈസ് ഇൻസ്പെക്ടർ ടി.പി.സജീവ്കുമാറിന്റെ നേതൃത്വത്തിലാണ് ഇവരെ പിടികൂടിയത്.
കഴിഞ്ഞ മാസം അങ്കമാലി കിടങ്ങുർ ഭാഗങ്ങളിൽ കഞ്ചാവ് എത്തുന്നുണ്ടെന്ന രഹസ്യ വിവരം അങ്കമാലി എക്സൈസിന് ലഭിച്ചിരുന്നു. ഈ വിവരത്തിന്റെ അടിസ്ഥാനത്തിൽ കുറച്ച് ദിവസ്സമായി അങ്കമാലി കിടങ്ങുർ ഭാഗങ്ങളിൽ രഹസ്യ നിരീക്ഷണം നടത്തി വരുകയാണ്. തുടർന്ന് നടത്തിയ പട്രോളിങിന്റെ ഇടയിലാണ് ഇവരെ പിടികൂടുന്നത്. ബംഗാളികളിൽ നിന്നും ഇവർ കഞ്ചാവ് വാങ്ങി മിറച്ച് വിൽക്കുകയാണ് ചെയ്യുന്നത്. കാറിൽ സഞ്ചരിച്ചാണ് കഞ്ചാവ് ഇടപാടുകാർക്ക് എത്തിക്കുന്നത്. കാറിൽ സഞ്ചരിച്ച് ആളൊഴിഞ്ഞ പറമ്പിലാണ് ഇവർ കഞ്ചാവ് വലിക്കുന്നത്. കഞ്ചാവ് കടത്തികൊണ്ട് വന്ന  കാറ് കസ്റ്റഡിയിലെടുത്തു. ഇരുവരുടെ കൈവശത്ത് നിന്നും 45 ഗ്രാം കഞ്ചാവാണ് കണ്ടെത്തിയത്.പ്രതികളെ മതിയായ ജാമ്യത്തിൽ വിട്ടയച്ചു. ഇവർക്ക് കഞ്ചാവ് എത്തിച്ചുകൊടുക്കുന്ന ബംഗാളികളെ കുറിച്ച് അന്വേഷണം ആരംഭിച്ചിട്ടുണ്ട്. എക്സൈസ് ഓഫിസർമാരായ കെ.എ.പോൾ, എ.ബി. സജീവ്കുമാർ,പി.കെ.ബിജു,ശ്യാംമോഹൻ, വി.ബി.രാജേഷ്, പി.പി.ഷിവിൻ, ജാക്സൺ തോമസ്, ബിജു പോൾ എന്നിവർ ഉൾപ്പെസംഘമാണ് പ്രതികളെ പിടികൂടിയത്. 

                                                                                        - അജിതാ ജയ്‌ഷോര്‍