സഹപ്രവര്‍ത്തകയെ ലൈംഗികമായി അപമാനിക്കുകയും നിരന്തരമായി ശല്യം ചെയ്യുകയും ചെയ്‌തെന്ന പരാതിയില്‍ പൊലീസുകാരന്‍ അറസ്റ്റില്‍
Editor CoverStory
Sep 15, 2022
215
0
മുംബൈ : സഹപ്രവര്‍ത്തകയെ ലൈംഗികമായി അപമാനിക്കുകയും നിരന്തരമായി ശല്യം ചെയ്യുകയും ചെയ്‌തെന്ന പരാതിയില്‍ പൊലീസുകാരന്‍ അറസ്റ്റില്‍. പിന്തുടര്‍ന്ന് ശല്യം ചെയ്യല്‍, പീഡനം, ആക്രമണം എന്നീ കുറ്റങ്ങള്‍ ചുമത്തിയാണ് 49 കാരനായ ദീപക് ദേശ്മുഖ് എന്ന അസിസ്റ്റന്റ് പൊലീസ് ഇന്‍സ്പെക്ടറെ കുരാര്‍ പൊലീസ് ചൊവ്വാഴ്ച അറസ്റ്റ് ചെയ്തത്. 39 കാരിയായ പരാതിക്കാരി പൊലീസ് ഇന്‍സ്‌പെക്ടറാണ്. 2022 ഓഗസ്റ്റില്‍ കുരാര്‍ പോലീസ് സ്റ്റേഷനില്‍ പൊലീസുകാരി പരാതി നല്‍കിയിരുന്നു. പൊലീസ് പറയുന്നതനുസരിച്ച്, പ്രതിയായ ദീപക് ദേശ്മുഖ് തന്റെ പോസ്റ്റിംഗില്‍ വന്ന മാറ്റത്തിന് ഉത്തരവാദി പരാതിക്കാരിയാണെന്ന് ആരോപിച്ച് ഇവരെ ശല്യം ചെയ്യാന്‍ ആരംഭിക്കുകയായിരുന്നു. പ്രകോപിപതനായ ദേശ്മുഖ് മലാഡ് ഈസ്റ്റിലെ പരാതിക്കാരിയുടെ വസതിയിലും അവരുടെ ജോലിസ്ഥലത്തും നിരന്തരം വരികയും ബഹളം വയ്ക്കുകയും ചെയ്തു. സഹായത്തിനായി വനിതാ ഓഫീസര്‍ പൊലീസ് സ്റ്റേഷനില്‍ എത്തിയപ്പോള്‍ അയാള്‍ അസഭ്യം പറയുകയും അവരുടെ കൈയില്‍ കയറി പിടിക്കുകയും ചെയ്തു.
Comments (0)