ഇത് ആസ്മാൻ; കൊച്ചിയിലെ ട്രാഫിക് സിഗ്‌നലിലൂടെ ബലൂൺ വിറ്റ് നടന്ന അതേ പെൺകുട്ടി

Author Coverstory Dec 21, 2020 389 0

കൊച്ചിയിലെ ട്രാഫിക് സിഗ്‌നലിൽ മൊബൈൽ ഫോൺ കവറുകളും ബലൂണുകളും ഒക്കെ വിൽക്കാനായി നടക്കുന്ന പെൺകുട്ടികളെ കാണാറില്ലേ… തെരുവോരങ്ങളിൽ വെയിലും ചൂടും വകവയ്ക്കാതെ കർമ്മനിരതരാകുന്ന രാജസ്ഥാനി പെൺകുട്ടികളിൽ ഒരാൾ മാത്രമായിരുന്നു കഴിഞ്ഞ ദിവസം വരെ ആസ്മാനും. എന്നാൽ ഇപ്പോൾ ആസ്മാൻ സെലിബ്രിറ്റി ഫോട്ടോഗ്രാഫർ മഹാദേവൻ തമ്പിയുടെ ക്യാമറക്കണ്ണിലൂടെ ഒരു സൂപ്പർ മോഡലായി മാറിയിരിക്കുകയാണ്.

മേക്കപ്പ് ആർട്ടിസ്റ്റിനോടും കോസ്റ്റ്യൂം ഡിസൈനറോടും ഒന്നും പുതിയ മോഡലിനെക്കുറിച്ചുള്ള വിവരങ്ങൾ മഹാദേവൻ തമ്പി പറഞ്ഞിരുന്നില്ല. അതുകൊണ്ടുതന്നെ സ്റ്റുഡിയോ ഫ്ലോറിൽ എത്തിയ ആസ്മാനെ കണ്ട് കൗതുകം അടക്കാൻ അവിടെ കൂടിയിരുന്നവർക്കും കഴിഞ്ഞില്ല.നാല് വസ്ത്രങ്ങളിൽ നാല് ഗെറ്റപ്പിലാണ് ആസ്മാന്റെ ചിത്രങ്ങൾ പകർത്തിയത്. മേക്കോവർ ഫോട്ടോഷൂട്ടിന്റെ മേക്കിങ് വീഡിയോ കഴിഞ്ഞ ദിവസം മഹാദേവൻ തമ്പി യുട്യൂബിൽ പങ്കുവെച്ചിരുന്നു. മികച്ച സ്വീകാര്യതയാണ് ഈ വീഡിയോയ്ക്ക് ലഭിച്ചുകൊണ്ടിരിക്കുന്നത്.