സി പി എമ്മിനെതിരെ വന്നാൽ കെ ടി ജയകൃഷ്ണൻ മാസ്റ്ററുടെ അവസ്ഥയുണ്ടാകും, പുറത്തിറങ്ങി നടക്കില്ല; പാർട്ടിയെ പ്രതിരോധത്തിലാക്കി നേതാവിന്റെ ഭീഷണി പ്രസംഗം
Author Coverstory
Feb 20, 2021
376
0
കോഴിക്കോട്: ഡി ഐ എഫ് ഐ നേതാവിന്റെ പ്രസംഗം വിവാദത്തിൽ. ഡി വൈ എഫ് ഐ കോഴിക്കോട് ജില്ലാ കമ്മിറ്റി അംഗം രാഹുൽ രാജിന്റെ ഭീഷണി പ്രസംഗമാണ് പാർട്ടിയെ പ്രതിരോധത്തിലാക്കിയിരിക്കുന്നത്.എടച്ചേരിയിൽ സി പി എമ്മും യു ഡി എഫും തമ്മിലുള സംഘർഷവുമായി ബന്ധപ്പെട്ട് സി പി എം.സംഘടിപ്പിച്ച പ്രതിഷേധ പരിപാടിയിലായിരുന്നു ഇയാളുടെ വിവാദപ്രസംഗം.സി പി എമ്മിനെതിരെ വന്നാൽ കെ ടി ജയകൃഷ്ണൻ മാസ്റ്ററുടെ അവസ്ഥയുണ്ടാകും.
അക്കാര്യം യൂത്ത് ലീഗ് ഓർമിക്കണം. യൂത്ത് ലീഗിനെ നിലയ്ക്ക് നിർത്തുമെന്ന കാര്യത്തിൽ ഒരു സംശയവും വേണ്ടെന്ന ഭീഷണിയാണ് പ്രസംഗത്തിനിടയ്ക്ക് മുഴക്കിയത്.അപവാദ പ്രചരണവുമായി സി പി എമ്മിനെതിരെ വന്നാൽ ഒരു യൂത്ത് ലീഗുകാരനും, യൂത്ത് കോൺഗ്രസുകാരനും പുറത്തിറങ്ങി നടക്കില്ല എന്നും രാഹുൽ പറഞ്ഞിരുന്നു. ഡി വൈ എഫ് ഐ നാദാപുരം ബ്ലോക്ക് പ്രസിഡന്റ്, യുവജന കമ്മിഷൻ കോഓർഡിനേറ്റർ തുടങ്ങിയ സ്ഥാനങ്ങൾ ഇയാൾ വഹിക്കുന്നുണ്ട്.
Comments (0)