വി.കെ. ശശികല രാഷ്ട്രീയം വിട്ടു

ചെന്നൈ: തമിഴ്നാട് മുൻ മുഖ്യമന്ത്രി ജയലളിതയുടെ തോഴിയും എഡിഎംകെ മുൻ ജനറൽ സെക്രട്ടറിയുമായ വി.കെ. ശശികല രാഷ്ട്രീയം വിട്ടു. പൊതുജീവിതം അവസാനിപ്പിക്കുന്നതായി ശശികല പത്രക്കുറിപ്പിൽ അറിയിച്ചു. എഡിഎംകെ സർക്കാരിനെ തിരികെ കൊണ്ടുവരാൻ എല്ലാവരും ഒത്തൊരുമിച്ചു ശ്രമിക്കണമെന്നും അവർ പറഞ്ഞു.

ജ​യ (ജ​യ​ല​ളി​ത) ജീ​വി​ച്ചി​രി​ക്കു​മ്പോ​ൾ പോ​ലും ഞാ​ൻ അ​ധി​കാ​ര​ത്തി​നോ സ്ഥാ​ന​ത്തി​നോ​വേ​ണ്ടി പോ​യി​ട്ടി​ല്ല. അ​വ​രു​ടെ മ​ര​ണ​ശേ​ഷ​വും അ​ത് ചെ​യ്യി​ല്ല. ത​മി​ഴ്നാ​ട്ടി​ൽ എ​ഡി​എം​കെ​യു​ടെ സ​ർ​ക്കാ​ർ വ​രാ​ൻ​വേ​ണ്ടി താ​ൻ രാ​ഷ്ട്രീ​യ​ത്തി​ൽ​നി​ന്നും വി​ട്ടു​നി​ൽ​ക്കു​ക​യാ​ണ്. ത​ന്‍റെ സ​ഹോ​ദ​രി ജ​യ​ല​ളി​ത​യ്ക്കു​വേ​ണ്ടി എ​ഡി​എം​കെ​യു​ടെ വി​ജ​യ​ത്തി​നാ​യി പ്രാ​ർ​ഥി​ക്കും.

ഡി​എം​കെ പ​രാ​ജ​യ​പ്പെ​ടു​ത്താ​ൻ‌ ഒ​ത്തൊ​രു​മി​ച്ച് പ്ര​വ​ർ​ത്തി​ക്ക​ണ​മെ​ന്ന് എ​ഡി​എം​കെ പ്ര​വ​ർ​ത്ത​ക​രോ​ട് ആ​വ​ശ്യ​പ്പെ​ടു​ക​യാ​ണ്. ജ​യ​ല​ളി​ത‍​യു​ടെ പാ​ര​മ്പ​ര്യം തു​ട​രാ​ൻ പാ​ർ​ട്ടി പ്ര​വ​ർ​ത്ത​ക​രോ​ട് അ​ഭ്യ​ർ​ഥി​ക്കു​ന്ന​താ​യും ശ​ശി​ക​ല കൂ​ട്ടി​ച്ചേ​ർ​ത്തു.

നിയമസഭ തെരഞ്ഞെടുപ്പ് പടിവാതിൽക്കൽ നിൽക്കെയാണ് ശശികല രാഷ്ട്രീയ ജീവിതം അവസാനിപ്പിക്കുന്നതായി പ്രഖ്യാപിച്ചിരിക്കുന്നത്. അഴിമതിക്കേസില്‍ ശിക്ഷ അനുഭവിക്കുകയായിരുന്ന ശശികല ജനുവരിയിലാണ് ജയില്‍മോചിതയായത്.