തൃശൂരില്‍ പ്ലസ് ടു വിദ്യാര്‍ത്ഥിനിയെ അച്ഛന്റെ സുഹൃത്തുക്കള്‍ ചേര്‍ന്ന് കൂട്ടബലാത്സംഗം ചെയ്തു

തൃശൂര്‍ : പ്ലസ്ടു വിദ്യാര്‍ത്ഥിനിയെ അച്ഛന്റെ സുഹൃത്തുക്കള്‍ ചേര്‍ന്ന് കൂട്ടബലാത്സംഗം ചെയ്തതായി പരാതി. തൃശൂര്‍ പുന്നയൂര്‍ക്കുളത്താണ് സംഭവം. വിവരം മറച്ചുവെക്കാന്‍ കുട്ടിയുടെ അച്ഛനും അമ്മയും ശ്രമിച്ചുവെ ന്നാണ് റിപ്പോര്‍ട്ട്. സ്‌കൂളില്‍ നടന്ന കൗണ്‍സിലിങ്ങില്‍ പെണ്‍കുട്ടി വിവരം പങ്കുവെച്ചതോടെയാണ് സംഭവം പുറംലോകമറിയുന്നത്. സ്‌കൂള്‍ അധികൃതര്‍ നല്‍കിയ പരാതിയുടെ അടിസ്ഥാനത്തില്‍ പോലീസ്‌കേസെ ടുത്ത് അന്വേഷണം ആരംഭിച്ചു. സംഭവവുമായി ബന്ധപ്പെട്ട് നിലവില്‍ ഒരാളെ അറസ്റ്റ് ചെയ്തിട്ടുണ്ട്. പെണ്‍കുട്ടിയുടെ പിതാവുമായി പ്രതികള്‍ക്ക് കഞ്ചാവ് ഇടപാടുണ്ടായിരുന്നതായി വിദ്യാര്‍ത്ഥിനി മൊഴി നല്‍കി. ഇതിനാലാകാം പീഡനവിവരം പോലീസ് അറിയിക്കാതിരുന്നതെന്നാണ് സൂചന. അച്ഛന്റെ മൂന്ന് സുഹൃത്തുക്കള്‍ ചേര്‍ന്ന് സ്വന്തം വീട്ടില്‍ വെച്ചാണ് പീഡിപ്പിച്ചതെന്നാണ് പെണ്‍കുട്ടി മൊഴി നല്‍കിയിരിക്കുന്നത്. രണ്ട് മാസം മുമ്പായിരുന്നു കേസിനാസ്പദമായ സംഭവം. സംഭവത്തില്‍ രണ്ട് പേരെ കൂടി ഇനി പിടികൂടാനുണ്ടെന്ന് പോലീസ് പറഞ്ഞു. ഗുരുവായൂര്‍ എസിപിയുടെ നേതൃത്വത്തിലുള്ള സംഘത്തിനാണ് കേസന്വേഷണത്തിന്റെ ചുമതല. കേസില്‍ കൂടുതല്‍ പേരെ ചേര്‍ത്തേക്കാമെന്നും പോലീസ് പറയുന്നു.