പറവൂര്‍ തത്തംപിള്ളിയില്‍ പ്ലാസ്റ്റി​ക് മാ​ലി​ന്യ​സം​സ്ക​ര​ണ യൂ​ണി​റ്റി​ല്‍ വ​ന്‍ അ​ഗ്നി​ബാ​ധ

ആലങ്ങാട്/പ​റ​വൂ​ര്‍: പറവൂര്‍ ത​ത്ത​പ്പി​ള്ളി​യി​ല്‍ പ്ലാ​സ്റ്റി​ക് മാ​ലി​ന്യ​സം​സ്ക​ര​ണ യൂ​ണി​റ്റി​ല്‍ വ​ന്‍ അ​ഗ്നി​ബാ​ധ. ത​ത്ത​പ്പി​ള്ളി ഗ​വ സ്കൂ​ളി​നു സ​മീ​പം സ്ഥി​തി ചെ​യ്യു​ന്ന അ​ന്ന പ്ലാ​സ്റ്റി​ക് സം​സ്ക​ര​ണ യൂ​ണി​റ്റി​ലാ​ണു ഇ​ന്ന​ലെ രാ​വി​ലെ പ​ത്ത​ര​യോ​ടെ​യാ​ണു തീ​പി​ടിത്ത​മു​ണ്ടാ​യ​ത്. കെ​ട്ടി​ട​വും അ​തി​നു​ള്ളി​ല്‍ പ​ത്ത​ടി​യി​ലേ​റെ ഉ​യ​ര​ത്തി​ല്‍ നി​ര്‍​മി​ച്ചി​രു​ന്ന സ്റ്റീ​ല്‍ ബ​ര്‍​ത്തും വി​ല​പി​ടി​പ്പു​ള്ള ഉ​പ​ക​ര​ണ​ങ്ങ​ളും ശേ​ഖ​രി​ച്ചുവച്ചിരുന്ന പ്ലാ​സ്റ്റി​ക് വ​സ്തു​ക്ക​ളും പൂ​ര്‍​ണ​മാ​യി ക​ത്തി ന​ശി​ച്ചു. ആ​ള​പാ​യ​മി​ല്ല. വി​വി​ധ സ്ഥ​ല​ങ്ങ​ളി​ല്‍ നി​ന്നെ​ത്തി​യ പ​തി​ന​ഞ്ചോ​ളം ഫ​യ​ര്‍​ഫോ​ഴ്സ് യൂ​ണി​റ്റു​ക​ള്‍ ഏഴു മ​ണി​ക്കൂ​റോളം ന​ട​ത്തി​യ ശ്ര​മ​ഫ​ല​മാ​യാ​ണ് തീ ​അ​ണ​യ്ക്കാ​ന്‍ ക​ഴി​ഞ്ഞത്.

അ​റ്റ​കു​റ്റ​പ്പ​ണി​ക​ള്‍ ന​ട​ക്കവെ, വെ​ല്‍​ഡിം​ഗ് മെ​ഷീ​നി​ല്‍ നി​ന്നു തീ ​പ​ട​ര്‍​ന്നതോ ഷോര്‍ട്ട് സര്‍ക്യൂട്ടോ ആകാം തീപിടിത്തത്തിനു കാരണമെന്നാണ് സൂ​ച​ന. രണ്ടു കോ​ടി​യോ​ളം രൂ​പ​യു​ടെ നാ​ശ​ന​ഷ്ടമുണ്ടായതായാണ് പ്രാഥമിക നിഗമനം.

പ​റ​വൂ​ര്‍ ചേ​ന്ദ​മം​ഗ​ലം സ്വ​ദേ​ശി ലി​ജു മൂ​ഞ്ഞേ​ലി​യു​ടെ​താ​ണു സ്ഥാ​പ​നം. 12 വ​ര്‍​ഷം മു​ന്‍​പു ഫോം ​റ​ബര്‍ നി​ര്‍​മാ​ണ യൂ​ണി​റ്റാ​യാ​ണു യൂ​ണി​റ്റ് പ്ര​വ​ര്‍​ത്ത​ന​മാ​രം​ഭി​ച്ച​ത്. ഇ​ന്ധ​ന​വി​ല വ​ര്‍​ധ​ന മൂ​ലംന​ഷ്ട​ത്തി​ലാ​യ​തിനെതുടര്‍ന്ന് അഞ്ചു വര്‍ഷമായി പ​ഞ്ചാ​യ​ത്ത്, മ​ലി​നീ​ക​ര​ണ നി​യ​ന്ത്ര​ണ ബോ​ര്‍​ഡ്, വേ​സ്റ്റ് മാ​നേ​ജ്‌​മെ​ന്‍റ്, റീ ​സൈ​ക്ലിംഗ് ലൈ​സ​ന്‍​സ് എ​ന്നി​വ​യു​ടെ അ​നു​മ​തി​യോ​ടെ പ്ലാ​സ്റ്റി​ക്മാ​ലി​ന്യ സം​സ്ക​ര​ണ യൂ​ണി​റ്റാ​യി പ്ര​വ​ര്‍​ത്തി​ച്ചുവ​രി​ക​യാ​യി​രു​ന്നു. അ​തി​ഥി​ത്തൊ​ഴി​ലാ​ളി​ക​ള്‍ ഉ​ള്‍​പ്പ​ടെ ഇ​രു​പ​ത്തി​യ​ഞ്ചോ​ളം പേ​ര്‍ ഇ​വി​ടെ ജോ​ലി ചെ​യ്യു​ന്നു​ണ്ട്. അ​വ​ധി​ദി​നം ആ​യി​രു​ന്ന​തി​നാ​ല്‍ ഇന്നലെ തൊ​ഴി​ലാ​ളി​ക​ള്‍ ഉ​ണ്ടാ​യി​രു​ന്നി​ല്ല. തീ​പ​ട​രു​ന്ന​തു ക​ണ്ട ഉ​ട​ന്‍​ത​ന്നെ നാ​ട്ടു​കാ​ര്‍ ഓ​ടി​ക്കൂ​ടി അണ​യ്ക്കാ​ന്‍ശ്ര​മി​ച്ചെ​ങ്കി​ലും വിജയിച്ചി​ല്ല. തു​ട​ര്‍​ന്നു ഫ​യ​ര്‍​ഫോ​ഴ്സി​ല്‍ അ​റി​യി​ക്കു​ക​യാ​യി​രു​ന്നു. പ​റ​വൂ​ര്‍, ആ​ലു​വ, ഏ​ലൂ​ര്‍, ഗാ​ന്ധി​ന​ഗ​ര്‍, വൈ​പ്പി​ന്‍ എ​ന്നി​വി​ട​ങ്ങ​ളി​ല്‍ നിന്നുള്ള ഫ​യ​ര്‍​ഫോ​ഴ്സ് യൂ​ണി​റ്റു​ക​ള്‍ എത്തിയിരുന്നു. നാ​ട്ടു​കാ​രും പോ​ലീ​സും ര​ക്ഷാ​പ്ര​വ​ര്‍​ത്ത​ന​ത്തി​ല്‍ പ​ങ്കാ​ളി​ക​ളാ​യി.

ക​റു​ത്തി​രു​ണ്ട പു​ക വ​ള​രെ ഉ​യ​ര​ത്തി​ല്‍ പ്ര​ദേ​ശ​മാ​കെ പ​ര​ന്നു.കാ​റ്റ് പ​ടി​ഞ്ഞാ​റ് വ​ശ​ത്തേ​ക്ക് ആ​യി​രു​ന്ന​തി​നാ​ല്‍ സ​മീ​പ​ത്തെ വീ​ടു​ക​ള്‍​ക്ക് നാ​ശ​ന​ഷ്ട​മു​ണ്ടാ​യി​ല്ല. കി​ഴ​ക്കോ​ട്ട് കാ​റ്റ് വീ​ശി​യി​രു​ന്നു​വെ​ങ്കി​ല്‍ മൂ​ന്നു​നി​ല വീ​ട് ഉ​ള്‍​പ്പെ​ടെ​യു​ള്ള​വ​യ്ക്ക് നാ​ശ​ന​ഷ്ടം സം​ഭ​വി​ച്ചേ​നെ.

ഇ​തി​നി​ട​യി​ല്‍ ചി​ല ഫ​യ​ര്‍​ഫോ​ഴ്സ് യൂ​ണി​റ്റു​ക​ളി​ലെ വെ​ള്ളം തീ​ര്‍​ന്നു പോ​യ​ത് പ്ര​ശ്ന​മാ​യി. പ​റ​വൂ​രി​ല്‍ നി​ന്നു വെ​ള്ളം നി​റ​ച്ച്‌ വാ​ഹ​ന​ങ്ങ​ള്‍ വീ​ണ്ടും സ്ഥ​ല​ത്തെ​ത്തി.അ​വ​ധി ദി​വ​സ​മാ​യ​തി​നാ​ല്‍ വെ​ല്‍​ഡിംഗ് ജോ​ലി​ക്കാ​ര്‍ മാ​ത്ര​മാ​ണ് യൂ​ണി​റ്റി​ല്‍ ഉ​ണ്ടാ​യി​രു​ന്ന​ത്.

തീ​പി​ടി​ച്ച​പ്പോ​ള്‍ ഇ​വ​ര്‍ പു​റ​ത്തേ​ക്ക് ഓ​ടി മാ​റി​യ​തിനാലും വെ​ല്‍​ഡിംഗിന് ഉ​പ​യോ​ഗി​ക്കു​ന്ന ഗ്യാ​സ് സി​ലി​ണ്ട​റു​ക​ള്‍ സ​മീ​പ​ത്തെ പ​റ​മ്ബി​ലേ​ക്ക് മാ​റ്റി​യ​തിനാലും വ​ന്‍​ദു​ര​ന്തം ഒ​ഴി​വാ​യി.
പ്ലാ​സ്റ്റി​ക്കി​ന്‍റെ രൂ​ക്ഷ​മാ​യ ഗ​ന്ധ​വും പു​ക​യും സ​മീ​പ​ത്താ​കെവ്യാ​പി​ച്ചി​രു​ന്നു. തീ​പി​ടി​ത്ത​മു​ണ്ടാ​യ ഉ​ട​ന്‍​ത​ന്നെ സ​മീ​പ​ത്തെ കു​റെ വീ​ടു​ക​ളി​ല്‍നി​ന്ന് ആ​ളു​ക​ളെ മാ​റ്റി​യി​രു​ന്നു.ത​ത്ത​പ്പി​ള്ളി റോ​ഡില്‍ ഗ​താ​ഗ​തം പൂ​ര്‍​ണമാ​യും ത​ടസ​പ്പെ​ട്ടതിനാല്‍ വാഹനങ്ങള്‍ മ​റ്റു റോ​ഡു​ക​ളി​ലൂ​ടെ പോ​ലീ​സ് തി​രി​ച്ചുവി​ട്ടു.​ തീ അ​ണ​ച്ചതി​ന് ശേ​ഷ​മാ​ണ് ഗ​ഗതാഗതം പു​നസ്ഥാ​പി​ച്ച​ത് . വൈ​കി​ട്ട് ആറോടെ​യാ​ണു പൂ​ര്‍​ണ​മാ​യും തീ​യ​ണ​യ്ക്കാ​ന്‍ സാ​ധി​ച്ച​ത്.

ജി​ല്ലാ പ​ഞ്ചാ​യ​ത്തി​ലേ​ക്ക് തി​ര​ഞ്ഞെ​ടു​ക്ക​പ്പെ​ട്ട ഷാ​രോ​ണ്‍ പ​ന​ക്ക​ല്‍, പ​റ​വൂ​ര്‍ സ​ഹ​ക​ര​ണ യൂ​ണി​യ​ന്‍ ചെ​യ​ര്‍​മാ​ന്‍ പി.​പി. അ​ജി​ത്ത് കു​മാ​ര്‍ എ​ന്നി​വ​ര്‍ അ​ട​ക്ക​മു​ള്ള ജ​ന​പ്ര​തി​നി​ധി​ക​ള്‍ സം​ഭ​വ​സ്ഥ​ല​ത്ത് എ​ത്തി​യി​രു​ന്നു.