ടാറ്റയുടെ മിച്ചഭൂമി പിടിച്ചെടുത്ത്​ കൈമാറണമെന്ന്​ പെട്ടിമുടി ഇരകള്‍; ​ഹൈകോടതി സര്‍ക്കാറിന്‍റെ വിശദീകരണം തേടി

ടാറ്റയുടെ മിച്ചഭൂമി പിടിച്ചെടുത്ത്​ കൈമാറണമെന്ന്​ പെട്ടിമുടി ഇരകള്‍; ​ൈ​ഹകോടതി സര്‍ക്കാറി​ന്‍െറ വിശദീകരണം തേടി കൊച്ചി: കണ്ണന്‍ ദേവന്‍ ഹില്‍സില്‍ ടാറ്റ കമ്ബനിയുടെ പക്കലുള്ള മിച്ചഭൂമി പിടിച്ചെടുത്ത്​ പെട്ടിമുടിയിലെ ഉരുള്‍പൊട്ടല്‍ ദുരന്ത ഇരകള്‍ക്കും ഭൂരഹിതരായ തോട്ടം തൊഴിലാളികള്‍ക്കും കൈമാറണമെന്നാവശ്യപ്പെടുന്ന ഹരജിയില്‍ ഹൈകോടതി സര്‍ക്കാറി​ന്‍െറ വിശദീകരണം തേടി. ദുരന്തമുണ്ടായ മൂന്നാര്‍ പെട്ടിമുടി ​നെയമക്കാട്​ എസ്​റ്റേറ്റിലെ താമസക്കാരായ ഷണ്‍മുഖനാഥന്‍, മഹേന്ദ്രന്‍ തുടങ്ങി ഒമ്ബത്​ പേര്‍ നല്‍കിയ ഹരജിയിലാണ്​ ജസ്​റ്റിസ്​ അനില്‍ കെ. നരേന്ദ്ര​ന്‍െറ നി​ര്‍ദേശം​. ദുരന്തത്തിനിരയായ കുടുംബങ്ങളുടെ പുനരധിവാസത്തിന്​ എട്ട്​ കുടുംബങ്ങള്‍ക്ക്​ നല്‍കിയ സ്​ഥലം വാസയോഗ്യമല്ലാത്തതിനാല്‍ അനുയോജ്യമായത്​ കണ്ടെത്തി ഭൂരഹിതര്‍ക്ക്​ കൈമാറാന്‍ നിര്‍ദേശിക്കണമെന്നും ഹരജിയില്‍ ആവശ്യപ്പെട്ടിട്ടുണ്ട്​.

പത്തു​ ദിവസത്തിനകം വിശദീകരണം നല്‍കാനാണ്​ നിര്‍ദേശം. ജസ്​റ്റിസ്​ കൃഷ്​ണന്‍ നായര്‍ സമിതി റിപ്പോര്‍ട്ട്​ പ്രകാരം കണ്ണന്‍ ദേവന്‍ ഹില്‍സില്‍ ടാറ്റയുടെ കൈവശമുള്ള മിച്ചഭൂമിയില്‍ തോട്ടം തൊഴിലാളികളടക്കം​ ഭവനരഹിതര്‍ക്ക്​ വീട്​ നിര്‍മിച്ച്‌​ നല്‍കാന്‍ 2018ല്‍ സര്‍ക്കാര്‍ ഉത്തരവിട്ടിരുന്നതായി ഹരജിയില്‍ പറയുന്നു. ഉത്തരവ്​ വന്ന്​ രണ്ടര വര്‍ഷം കഴിഞ്ഞിട്ടും ഒരു സന്‍െറ്​ പോലും കൈമാറ​ുകയോ പദ്ധതി നടപ്പാവുകയോ ചെയ്​തിട്ടില്ല. ഇൗ ഉത്തരവ്​ നടപ്പാക്കിയിരുന്നെങ്കില്‍ പെട്ടിമുടിയില്‍ 70ഓളം പേരുടെ ജീവന്‍ നഷ്​ടപ്പെടില്ലായിരുന്നു.

പെട്ടിമുടി ദുരന്ത ഇരകള്‍ക്ക്​ 32 കിലോമീറ്റര്‍ അകലെ കുട്ടിയാറില്‍​ ദുര്‍ഘടമായ മല​മ്ബ്രദേശത്ത്​ അനുവദിച്ച സ്​ഥലത്തും ഉരുള്‍​െപാട്ടല്‍ സാധ്യതയുണ്ട്​. തോട്ടം തൊഴിലാളികളുടെ ചേരിപ്രദേശമുണ്ടാക്കി കേരളത്തിലെ 'ധാരാവി'യാക്കി അത്​ മാറ്റാനാണ്​ പ്ലാ​േന്‍റഷന്‍ കമ്ബനികള്‍ സര്‍ക്കാറുമായി ചേര്‍ന്ന്​ ശ്രമിക്കുന്നത്​. 19,000ഓളം ഏക്കര്‍ മിച്ചഭൂമി ​ൈകവശം വെച്ചാണ്​​ തോട്ടം തൊഴിലാളികള്‍ക്ക്​ വീട്​ വെക്കാന്‍ കണ്ണന്‍ദേവന്‍ കമ്ബനി ഒരു തുണ്ടുപോലും വിട്ടു​െകാടുക്കാത്തത്​. 220 ഏക്കര്‍ മിച്ചഭൂമി 350ഓളം കുടുംബങ്ങള്‍ക്കായി ​െക.ഡി.എച്ച്‌​ ആക്​ട്​ പ്രകാരം ഭൂമി വിതരണം ചെയ്യണമെന്ന്​ ആവശ്യപ്പെട്ട്​ സര്‍ക്കാറിന്​ നിവേദനം നല്‍കിയെങ്കിലും ഇതുവരെ മറുപടി തന്നിട്ടില്ല.

15 ഏക്കറിലധികം ഭൂമി കൈവശം വെക്കാന്‍ നിയമപരമായി കഴിയില്ലെന്നിരിക്കെ കേരള ഭൂപരിഷ്​കരണ നിയമത്തില്‍ ഇളവ്​ നേടി 58,769 ഏക്കറാണ്​ കണ്ണന്‍ ദേവന്‍ കമ്ബനി അനധികൃതമായി കൈവശം വെച്ചിരിക്കുന്നത്​. പൊതുതാല്‍പര്യം സംരക്ഷിക്കാത്ത സാഹചര്യത്തില്‍ ഈ ഇളവ്​ യുക്​തിഹീനവും വിവേചനപരവുമാണ്​. കണ്ണന്‍ദേവന്‍ ഹില്‍സിലെ 92 ഗ്രാമങ്ങളും ഹരജിക്കാരുടെ പൂര്‍വികരാണ്​ വികസിപ്പിച്ചത്​. മറ്റൊരു ദുരന്തത്തിന്​ കാത്തുനില്‍ക്കാതെ മിച്ചഭൂമി പിടിച്ചെടുത്ത്​ വിതരണം ചെയ്യണമെന്നാണ്​ ആവശ്യം. 1971ലെ കണ്ണന്‍ദേവന്‍ ഹില്‍സ്​ (റിസംപ്​ഷന്‍ ഓഫ്​ ലാന്‍ഡ്​സ്​) ആക്​ട്​ ഭരണഘടന വിരുദ്ധമായി പ്രഖ്യാപിക്കുക, കൂടുതല്‍ ഭൂമി കൈവശം വെക്കാന്‍ അനുവദിച്ചിരിക്കുന്ന ഇളവ്​ റദ്ദാക്കുക തുടങ്ങിയ ആവശ്യങ്ങളും ഹരജിയില്‍ ഉന്നയിച്ചിട്ടുണ്ട്​​.