താപനില ഉയരുന്നു; അതീവ ജാഗ്രത നിര്ദ്ദേശവുമായി ദുരന്ത നിവാരണ അഥോറിറ്റി ; കഴിഞ്ഞ ദിവസം അനുഭവപ്പെട്ടത് ശരാശരിയിലും 3 ഡിഗ്രി കൂടുതല്
തിരുവനന്തപുരം: കോട്ടയം, ആലപ്പുഴ, ജില്ലകളില് ചൂട് ശരാശരിയിലും 2-3 ഡിഗ്രി കൂടാന് സാധ്യതയുണ്ടെന്നു ദുരന്ത നിവാരണ അഥോറിറ്റിയുടെ മുന്നറിയിപ്പ്. കോട്ടയത്ത് ഇന്നലെ 37 ഡിഗ്രി സെല്ഷ്യസും ആലപ്പുഴയില് 36.4 ഡിഗ്രിയുമായിരുന്നു ചൂട്. ശരാശരിയിലും 3 ഡിഗ്രി കൂടുതലാണിത്. പാലക്കാട് മുണ്ടൂരിലാകട്ടെ ചൂട് 40 ഡിഗ്രിയായി.
കേരളം ഉയര്ന്ന അന്തരീക്ഷ ആര്ദ്രതയുള്ള തീരദേശ സംസ്ഥാനമായതിനാല് താപനിലയെക്കാള് ചൂട് അനുഭവപ്പെടാനും സൂര്യാഘാതം, സൂര്യാതപം, നിര്ജലീകരണം തുടങ്ങിയ ഗുരുതര ആരോഗ്യ പ്രശ്നങ്ങളുണ്ടാകാനും ഇടയുണ്ട്. പകല് 11 മുതല് 3 വരെ നേരിട്ടു വെയിലേല്ക്കരുതെന്നും നിര്ജലീകരണം തടയാന് ഇടയ്ക്കിടെ വെള്ളം കുടിക്കണമെന്നും അഥോറിറ്റി നിര്ദേശിച്ചു.
പാലക്കാട് മുണ്ടൂരിലുള്ള ഇന്റഗ്രേറ്റഡ് റൂറല് ടെക്നോളജി സെന്ററിലെ (ഐആര്ടിസി) താപമാപിനിയിലാണ് 40 ഡിഗ്രി രേഖപ്പെടുത്തിയത്. മലമ്ബുഴ അണക്കെട്ടിലെ താപമാപിനിയില് 36.2 ഡിഗ്രിയായിരുന്നു ചൂട്.
Comments (0)