വീട്ടുമുറ്റത്ത് നട്ടു നനച്ച് വളര്ത്തിയത് കഞ്ചാവ് ചെടി; പട്ടിമറ്റം സ്വദേശിയായ യുവാവ് അറസ്റ്റില്; പ്രതിയെ പിടികൂടിയത് ജില്ലാ പൊലീസ് മേധാവിക്ക് ലഭിച്ച രഹസ്യ വിവരത്തില് നടത്തിയ പരിശോധനയില്
Author Coverstory
Jan 6, 2021
795
0
കൊച്ചി : വീട്ടുമുറ്റത്ത് കഞ്ചാവ് ചെടി നട്ടുനനച്ചുവളര്ത്തിയ യുവാവ് അറസ്റ്റില്. പട്ടിമറ്റം ഡബിള് പലത്തിന് സമീപം കുഴുപ്പിള്ളി വിട്ടില് നജീബ്(40) അണ് പിടിയിലായത്. ജില്ലാ പൊലീസ് മേധാവി കെ. കാര്ത്തിക്കിന് ലഭിച്ച രഹസ്യവിവരത്തെ തുടര്ന്ന് നടത്തിയ പരിശോധനയിലാണ് കഞ്ചാവ് ചെടി കണ്ടെത്തിയത്.
വീട്ടുമുറ്റത്ത് പ്രത്യേകം പ്ലാസ്റ്റിക് കവറിലാണ് കഞ്ചാവ് നട്ടിരുന്നത്. രണ്ട് മാസത്തോളം പ്രായം വരും ചെടിക്ക് . ജില്ലാ നര്ക്കോട്ടിക്ക് സ്ക്വാഡ് ഡി.വൈ.എസ്പി എം.ആര് മധു ബാബു, കുന്നത്ത് നാട് എസ്.എച്ച്.ഒ വി.ടി ഷാജന്, എസ്ഐ എബി ജോര്ജ് എന്നിവരുടെ നേതൃത്വത്തിലാണ് പ്രതിയെ അറസ്റ്റ് ചെയ്തത്.
Comments (0)