തി​രു​വൈ​രാ​ണി​ക്കു​ളം മ​ഹാ​ദേ​വ​ക്ഷേ​ത്ര​ത്തി​ല്‍ നടതുറപ്പ് ഇന്ന്

കാ​ല​ടി: തി​രു​വൈ​രാ​ണി​ക്കു​ളം മ​ഹാ​ദേ​വ​ക്ഷേ​ത്ര​ത്തി​ല്‍ ശ്രീ​പാ​ര്‍​വ​തീ​ദേ​വി​യു​ടെ ന​ട ഇ​ന്നു തു​റ​ക്കും. രാ​ത്രി എ​ട്ടി​ന് പരമ്പരാഗത​ ച​ട​ങ്ങു​ക​ളോ​ടെ​യാ​കും ന​ട​ തു​റ​ക്കു​ക. ആ​ഘോ​ഷ​ങ്ങ​ള്‍​ക്ക് കോ​വി​ഡ് മാ​ന​ദ​ണ്ഡം പാ​ലി​ക്കേ​ണ്ട​തി​നാ​ല്‍ എ​ല്ലാ വ​ര്‍​ഷ​വും ന​ട​തു​റ​പ്പി​നു മു​ന്നോ​ടി​യാ​യി ന​ട​ത്താ​റു​ള്ള തി​രു​വാ​ഭ​ര​ണ​ഘോ​ഷ​യാ​ത്ര ച​ട​ങ്ങു മാ​ത്ര​മാ​യി​ട്ടാ​യി​രി​ക്കും സം​ഘ​ടി​പ്പി​ക്കു​ന്ന​ത്. തി​രു​വാ​ഭ​ര​ണ​ഘോ​ഷ​യാ​ത്ര​യി​ലും ന​ട​തു​റ​പ്പി​നു ശേ​ഷം ന​ട​ക്കു​ന്ന തി​രു​വാ​തി​ര ആ​ഘോ​ഷ​ങ്ങ​ളി​ലും പു​റ​ത്തു നി​ന്നു​ള്ള ഭ​ക്ത​ജ​ന​ങ്ങ​ള്‍​ക്ക് പ്ര​വേ​ശ​നം ഉ​ണ്ടാ​യി​രി​ക്കി​ല്ല.
വൈ​കു​ന്നേ​രം നാ​ലി​ന് അ​ക​വൂ​ര്‍ മ​ന ക്ഷേ​ത്ര​ത്തി​ലെ കെ​ടാ​വി​ള​ക്കി​ല്‍ നി​ന്നു പ​ക​ര്‍​ത്തി​യ ദീ​പ​വും തി​രു​വാ​ഭ​ര​ണ​വു​മാ​യി ഘോ​ഷ​യാ​ത്ര പു​റ​പ്പെ​ടും.ഘോ​ഷ​യാ​ത്ര ക്ഷേ​ത്ര​ത്തി​ല്‍ പ്ര​വേ​ശി​ച്ച ഉ​ട​ന്‍ ന​ട​തു​റ​ക്കു​ന്ന​തി​ന് ആ​ചാ​ര​വി​ധി​പ്ര​കാ​ര​മു​ള്ള ച​ട​ങ്ങു​ക​ള്‍ ആ​രം​ഭി​ക്കും. 30 മു​ത​ല്‍ 2021 ജ​നു​വ​രി ഒ​ന്‍​പ​തു വ​രെ​യു​ള്ള ദി​വ​സ​ങ്ങ​ളി​ലും പ്ര​വേ​ശ​നം പ​രി​മി​ത​പ്പെ​ടു​ത്തി​യി​ട്ടു​ണ്ട്.
വെ​ര്‍​ച്വ​ല്‍ ക്യൂ ​സം​വി​ധാ​നം വ​ഴി ബു​ക്ക് ചെ​യ്തു വ​രു​ന്ന 1500 പേ​ര്‍​ക്കു മാ​ത്ര​മാ​യി​രി​ക്കും ഒ​രോ ദി​വ​സ​വും ദ​ര്‍​ശ​നം ല​ഭി​ക്കു​ക. പ​റ വ​ഴി​പാ​ടു​ക​ള്‍ അ​ട​ക്കം ന​ട​ത്തു​ന്ന​തി​ന് കൗ​ണ്ട​റു​ക​ള്‍ ഒ​രു​ക്കി​യി​ട്ടു​ണ്ട്. ദ​ര്‍​ശ​ന​ത്തി​ന് എ​ത്താ​ന്‍ സാ​ധി​ക്കാ​ത്ത ഭ​ക്ത​ര്‍​ക്ക് ഓ​ണ്‍​ലൈ​ന്‍ വ​ഴി വ​ഴി​പാ​ടു​ക​ള്‍ ബു​ക്ക് ചെ​യ്യാ​വു​ന്ന​താ​ണ്. ഈ ​വ​ഴി​പാ​ടു​ക​ള്‍ ന​ട​ത്തി​യ​ശേ​ഷം പ്ര​സാ​ദം ത​പാ​ല്‍ വ​ഴി അ​യ​ച്ചു​കൊ​ടു​ക്കു​ന്ന​താ​ണ്.