11 വര്ഷമായിട്ടും നടപ്പാക്കാതെ നിയമപരിഷ്കാര കമീഷന് റിപ്പോര്ട്ടുകള്
Author Coverstory
Jan 4, 2021
455
0
ആലപ്പുഴ: പൊതുഖജനാവില്നിന്ന് ലക്ഷങ്ങള് ചെലവഴിച്ച നിയമപരിഷ്കാര കമീഷന് റിപ്പോര്ട്ടുകള് വെളിച്ചം കാണാതെ പോകുന്നു. വി.എസ്. അച്യുതാനന്ദന് സര്ക്കാര് 2007 നവംബര് 17ന് നിയമിച്ച ജസ്റ്റിസ് വി.ആര്. കൃഷ്ണയ്യര് അധ്യക്ഷനായ കമീഷന് 2009ലാണ് റിപ്പോര്ട്ട് സമര്പ്പിച്ചത്. 65 പുതിയ നിയമനിര്മാണങ്ങള്ക്കും 30 നിയമങ്ങളുെട ഭേദഗതിക്കും ഒമ്ബത് നിയമചട്ടങ്ങളുടെ നിയന്ത്രണത്തിനും വേണ്ടിയാണ് ഫെബ്രുവരി 20ന് റിപ്പോര്ട്ട് സമര്പ്പിച്ചത്. കാലഹരണപ്പെട്ട 107 നിയമങ്ങള് റദ്ദാക്കാനും ശിപാര്ശയുണ്ടായിരുന്നു. റിപ്പോര്ട്ട് സമര്പ്പിച്ച് 11 വര്ഷമായിട്ടും ആകെ പരിഗണിച്ചത് രണ്ടുകാര്യങ്ങള് മാത്രമാണ്.
കൊച്ചിയിലെ 'ദ േപ്രാപ്പര് ചാനല്' സംഘടനയുടെ പ്രസിഡന്റ് എം.കെ. ഹരിദാസിന് വിവരാവകാശ നിയമപ്രകാരം ലഭിച്ച മറുപടിയിലാണ് ഈ വിവരം. കൃഷ്ണയ്യര്ക്കുപുറമെ ജസ്റ്റിസുമാരായ ടി.വി. രാമകൃഷ്ണന്, സി.എസ്.രാജന്, സീനിയര് അഭിഭാഷകന് കേളു നമ്ബ്യാര്, മുന് എം.പിയും സ്പീക്കറുമായിരുന്ന വര്ക്കല രാധാകൃഷ്ണന്, അന്ന് എം.പിയായിരുന്ന ഡോ. സെബാസ്റ്റ്യന് പോള്, ബാരിസ്റ്റര് എം.പി.ആര്. നായര്, പി.ബി. സഹസ്രനാമന്, പ്രഫ.എന്.എസ്. ഗോപാലകൃഷ്ണന്, ഡോ. എന്.കെ. ജയകുമാര് എന്നിവരായിരുന്നു കമീഷന് അംഗങ്ങള്. 22.14 ലക്ഷം ചെലവഴിച്ച കമീഷന്റെ റിപ്പോര്ട്ടുകള് മൂന്ന് സര്ക്കാറുകള് മാറിയിട്ടും പരിഗണനക്ക് എടുക്കാതിരിക്കുന്നത് ദൗര്ഭാഗ്യകരമാണെന്ന് ഹരിദാസ് 'മാധ്യമങ്ങളോടു പറഞ്ഞു.
Comments (0)