ഷോക്കേറ്റ് വീണത് ആംബുലന്‍സിന് മുന്നില്‍; അലിയാര്‍ക്കിത് രണ്ടാം ജന്മം
Author Coverstory
Jan 23, 2021
385
0
കട്ടപ്പന: വൈദ്യുതി ലൈനില്‍ നിന്ന് ഷോക്കേറ്റ് നിര്‍ത്തിയിട്ട ആംബുലന്‍സിന് മുമ്ബില്‍ വീണ കെ. എസ്.ഇ.ബി ജീവനക്കാരന് കനിവ് 108 ആംബുലന്‍സ് ജീവനക്കാര്‍ രക്ഷകരായി. കെ.ഫോണ്‍ ലൈന്‍ ജോലിക്കിടെ ലൈന്‍മാന്‍ ഇടുക്കി ചെറുതോണി സ്വദേശി അലിയാരാണ് (50) വൈദ്യുതി ആഘതമേറ്റ് ആംബുലന്‍സിനു മുമ്ബില്‍ വീണത്.
അടിമാലി - കുമളി ദേശീയ പാത 185 - ല്‍ കട്ടപ്പന വാഴവരയില്‍ ഇന്നലെ ഉച്ചകഴിഞ്ഞു ഒരു മണിയോടെ യാണു സംഭവം. ലൈന്‍ വലിക്കുന്നതിനിടെയാണ് അലിയാര്‍ക്ക് ഷോക്കേറ്റത്. റോഡിനു കുറുകെ ലൈന്‍ കമ്ബികള്‍ കിടന്നതിനാല്‍ ഈ സമയം ഇടുക്കിയില്‍ നിന്ന് തിരികെ വരികയായിരുന്ന 108 ആംബുലന്‍സ് നിര്‍ത്തിയിടേണ്ടി വന്നു.
ഒപ്പം മറ്റു വാഹനങ്ങളും. റോഡ് ബ്ലോക്ക്‌ ഒഴിവാക്കാന്‍ വൈദ്യുതി പോസ്റ്റിനു മുകളില്‍ നിന്ന് കമ്ബി മാറ്റാന്‍ ശ്രമിക്കുന്നതിനിടെയാണ് ലൈന്‍മാനു ഷോക്കേല്‍ക്കുന്നത്. ആംബുലന്‍സിനു മുമ്ബില്‍ റോഡിലേക്ക് ലൈന്‍മാന്‍ വീഴുന്നതുകണ്ട് ജീവനക്കാക്കാര്‍ ഓടിയെത്തി.
പൈലറ്റ് ഷിനോസ് രാജന്‍, എമര്‍ജന്‍സി മെഡിക്കല്‍ ടെക്‌നീഷ്യന്‍ അനൂപ് ജോര്‍ജ് എന്നിവരാണ് ആംബുലന്‍സില്‍ ഉണ്ടായിരുന്നത്. അബോധാവസ്‌ഥയില്‍ വീണ അലിയാരുടെ ഹൃദത്തിെന്‍റ പ്രവര്‍ത്തനം ഒരു നിമിഷത്തേക്ക് നിലച്ചു പോയിരുന്നു. ജീവനക്കാര്‍ അടിയന്തിര ജീവന്‍ രക്ഷപ്രവര്‍ത്തനം നടത്തി ഹൃദയത്തിെന്‍റ പ്രവര്‍ത്തനം വീണ്ടെടുത്തതാണ് ജീവന്‍ രക്ഷിച്ചത്.
ഒരു രോഗിയെ ആശുപത്രിയിലെത്തിച്ചുകഴിഞ്ഞു തിരികെ പോകുകയായിരുന്നു ആംബുലന്‍സ് ജീവനക്കാര്‍. ആരോഗ്യനില മെച്ചപ്പെട്ടു എന്ന് ഉറപ്പാക്കിയ ശേഷം ജീവനക്കാര്‍ ഉടന്‍ തന്നെ അലിയാരെ കട്ടപ്പനയിലെ സ്വകാര്യ ആശുപത്രിയിലേക്ക് മാറ്റി. ശരീരത്തില്‍ പൊള്ളല്‍ ഏറ്റിട്ടുണ്ടെങ്കിലും പരിക്ക്ഗുരുതരമല്ലെന്നും നിരീക്ഷണത്തിന് ശേഷം അലിയാര്‍ ആശുപത്രി വിട്ടതായും ആശുപത്രി അധികൃതര്‍ അറിയിച്ചു.
Comments (0)